Kan fanu/fapa kan Khaak ti`n Thuthang suah men a tawk lo – SAC Ralhraang

Tuhrawng, Dothlengnak ih tel ruangih nu le pa`i khaak tuar thuthang hmuh ding a tam zet. Online khalah tarlangmi a tam ih ralhraang nitin thuthangca suahmi khalah nitin deuh thaw in a tel.

Cuih thu thawn pehparin ralhraang SAC palai Zaw Min Htun cun “thuthangca ih suah men cu a tawk lo. Ka sim duh mi cu cutin an tuah ruangah official tinak a si lo. Khawtlang mipi theih ah an phuang a si khal le, an duh ahcun kan Khaak an timi an fale pawl Ro an co ter thei thotho. Ro co theinak an sung cuang lo. Thuṭhenzung ah feh in thuṭhentu hnen ih an dil hnu, cohlan an si lawngah Daan vekin an fale an Khaak tinak a si. Cuti lawngin a official” a ti.

Cuhleiah “cuvek thu suah cingin Dothlengnak thapetu cu rampi Daan vekin tayacuai daan tat an si ding” tiah ralhraang SAC palai Zaw Min Htun cun a ti.

Hitiih thu an suah nak san cu Dothlengnak thazaang a cak vivo hlei ah lungrual zetin Dothlengnak thapetu nu le pa an tam vivo ruangah a si ih, cumi dawnkham tumin mipi ṭhih nakah an hmangmi a si tiah ramkhel thaim miṭhenkhat cun an rel.

Nu le pa in Dothlengnak ih telvetu an fa le pawl an Khaak naksan cu an hua ruangah le Dothlengnak an dokalh tinak siloin ralhraang lak ah humvenawk tumin a hmin men in an fa le an Khaak mi a si tiah kan ram boruak thlirtu ralkaptlan MKS in a rel.

Leave a Reply

Your email address will not be published. Required fields are marked *