Kalaymyo : Kaphnih lungkimnak in Ralkap le Mipi kaihkhihmi mipum an thlengaw

Kalaymyo lamzawh duhphorhnak ih kaihkhih tuar pawl le ralhraang ralkap lam mipi ih kaihmi pawl cu kaphnih lungkimnak in April 3 ah mipum thlengawknak an nei tiah theih a si.

Mipi lam ṭuanvonei mipakhat cun “Ralkap pawl in kan kai mi minung kan thlengaw ding tiah in dil. Zinglam ah minung 2 an rak thlah. Cun zaanlam ah minung 6 an thlah sal. Mizaan khalah minung pakhat an thlah” tiah a sim.

Ralkap lam in an kai mi minung 9 an thlah ruangah mipi lam khalin tuini April 3 ah ralkap milai 6 an thlah ve.

Mipi lam in an kai mi hi kan dung baite ih camp khamri sungih lut ruangih an kai mi traffic palik telin traffic palik 5, palik 1 le miheek hmang ralkap milai 1 pawl an siih ralkap lam in mipi an kai mi an thlah ve ruangah mipi khalin ralkap milai an kai mi an thalh ve a si.

Ralkap lam cun an kut sung ih um thubuai orhter zomi siarlo midang an kai mi hmuahhmuah cu tlawngkai nikhat ah kan thlah zalen thluh ding ti`n mipi thu an tiam. (ChinJournal, Khonumthung)

Leave a Reply

Your email address will not be published. Required fields are marked *