Kalaymyo ih Inn boh tuar innteekpa cun thuhla umdan a relsuak thluh

April 7, Kalaymyo kahawknak ruangih mipi thinphang hethet lai cu caan ṭha ah laakin nunrong SAC ralkap pawl cun mi inn an boh ih an innsung an cawklet thluh hlei ah Ṭhenhra Ṭhenkhat retṭhatmi telin kyat ting 15 luan paisa fai an fir tiah theih a si.

Innteekte inn ih an um laifang a si ih thawmvang an theih veten tibualnak room sungah an relh man ceu.

Ralkap pawl in inn boh nak cu Kalaymyo, Tahan ah a si ih Innteekpa cun “rak relh man hlah sehla cu in that khal a si men thei. Tibualnak room ah kan rak relh man ih, ralkap pawl cun kan innsung an cawk let thluh.”

“Paisa fai in kyat ting 15 hrawng an fir. Ṭhenhra Ṭhenkhat kan retnak thingkuang fate khal an boh ih lungawibawm le neihsun kan khawl nak thingkuang khal an boh thluh. Zatekom in kyat ting 20 hrawng a si ding” ti`n innteekpa cun ZMT hnen ah a sim ih “tuini cu ka thih ni a si hi ti`n ka rak ruat man” tiah ṭap phah in a sim.

SAC ralkap pawl cun innsung cawklet thluh in paisa an fir hnu, an suah lam ah innteekte` tlakrawh phar cu meithal thawn an kap ta.

Cuih tlun ah kiangkap inn pawl khal an boh vivo ih mi relh hawl phungpha in mi paisa an fir phah vivo tiah theih a si.

Leave a Reply

Your email address will not be published. Required fields are marked *