Kalaymyo ih Covid 19 a darh nasa cu SAC Ralhraang rinhleltu an tam

Atufang Kalaymyo Covid boruak cu rapthlakza a si ih a ninii in mina an pung hlei ah Covid pian hmang thawn a thimi, nikhat ah 10-15-20 luan an um ringring.

Hitiih voilekhat in Covid 19 natnak a karh ciamco cu kan rampi a buai thok ihsin mibur rualrual in kan um thlang ṭheu ruangah a si ding tiah zumnak a rak um.

Asinan, July 6 ih Journalist Mratt Kyaw Thu ca thlah mi cun mitamzet ruahnak a ti danglam.
Cumi canganmi cu zirzoinak ka nei ciang hnu ah ka tarlangmi a si tiah MKT in a ti.

Mipi ruahnak thleng danglam tertu MKT cangan cu a hnuailam bangtuk in an si….

“Monywa ah Red Cross (ကြက်ခြေနီ) zuk benmi mawṭaw le hnipuan pangai hruk pawl phurtu ralhraang mawṭaw tamzet an hmu ti`n June 11 ih ca ka thlah mi kha nan mang lai maw? Ahmutu pawl cun amalbik mawṭaw 6 tal an si ding tiah an rel.”

“Khami mawṭaw pawl kha ataktak cun Kalay lam ah an kai so. Ralhraang mawṭaw thawn kil ṭhepṭhep in Kalaymyo ah an feh mi a si. Khai`ni June 11 ihsin SAC ralhraang pawl cu Kalaymyo ah Covid 19 thawn pehpar in cangvainak an nei nasa. Tunihi July 6 kan thleng thlang ih thlakhat zikte a rei zo” tiah Mratt Kyaw Thu cun a tarlang.

Asim duh san cu SAC ralhraang in Kalaymyo ah a thupten Covid nathrik an darhter a si thei tiah a sim mi a si.

June 11 ih MKT nganmi …

Cumi catar cu a share sawngtu 13,000 luan an um ih an share sawngnak kan zoh tik khalah SAC Ralhraang in nathrik an darhter mi a si titu an tam.

SAC Ralhraang cangvaih dan thawn pehpar in hmuhtonmi tamzet ka nei zo tiawtu mipakhat khalin “90% thil cang thei a si. Ziangahtile Ralhraang do dingin khuapumhuap ih cangvai hmaisabik cu Kalaymyo hi an si. An ral a ṭha ih Kalymyo pengṭhen hmun tamzet khalah a pakpak rori`n ralhraang an do ngam.”

“Kut ih tuah cawp Lai meithal rori`n lamziin lailak khalin an rak do ngam. Khuami kut tuar in Ralhraang thi khal an tam. Cuvek a si tikah SAC ralhraang cun an hupphurh deuh thei ih olaiten ral tho sal theilo dingin nat an darh ter khal a si thei. Keimah bulpak cun 90% ka zum rori” tiah a tarlang a si.

Nangteh ziangtin na ruat?????

Leave a Reply

Your email address will not be published. Required fields are marked *