Kalaymyo buainak boruak ah mihlo 2 an um

Tu kaar in Kalaymyo boruak a sosang luar ih khawsung ah doawknak thawmvang theih ding a tam.

Boruak sia lai ah poimawh ruangih lengsuaktu mi 2 cu a tu ca kan ngan tiangah inn tlung loin an um ih an sungte pawl thinhar mangbang in an um tiah theih a si.

Mihlo pakhat cu Tedim mi a si ih Tahan an vaihnak thla 2 fang hrawng lawng a si lai.

Amah hi kum 23mi a si ih April 8 zaanlam nazi 5 hrawngah mawṭawcycle thawn sii lei dingin a suak ih, tutiang inn a tlung hrih lo ruangah a sungte pawl in mihlo dinhmun in online ah an phuang ih, a hmutu an um pang cun “hinah” ah sim thei dingin FB cahmai ah thu an phuang.

Mihlo pakhat sawn cu innsang nei zo a si ih, tuni April 9 nazi 12 hrawngah အထက ၂2 lam ah mawṭawcycle tuah ṭha dingin a suak ih, khaw thim tiang inn a tlung hrih lo ruangah a sungte pawl thinhar in an um ih, a hmutu an um pang cun “hinah” ah sim thei dingin internet cahmai ah thu an than a si.

Leave a Reply

Your email address will not be published. Required fields are marked *