Chin ramri doawknak ah Miralṭha mino 3 in nunnak hlan

November 16 ih Kalay PDF hmunṭhen siim an tuar nakah numi pakhat telin miralṭha mino 3 in nunnak an hlan tiah theih a si.

Ram le miphun hrang ih nunnak liam mino 3 cu Chin Chin, Mawia le Puia pawl an si ih, an pathum in kum 20 fang hrawng an si. Chin Chin hi English Major kum 3nk kai lai a si tiah kan thei.

ChinChin thih thuthawn pehpar in a hringtu a pa cun “Ram le miphun hrangah pum ka peaw ve a ṭul in ti. Neta hnu ah si leh seh ka ti. Asinan, ka rualpi kaihkhih tuar le that tuar an um rero lai ah daiten ka um thei hrimhrim lo in ti. Tubaite khan a tel thok ve” tiah TCJ hnen ah a sim.

Siivai lam hnaṭuannak thawn pum a pe aw ih ralhraang SAC ralkap pawl in Kalay PDF sakhaanṭhen an siim nakah hriam tuar in a nunnak a cem.

Ram le miphun hrangah a nunnak a hlan mi thu thawn pehpar in “Ka riahsiatnak cu Ka ih simrel danding ka thiam lo. Asinan, ka fanu cu ram le miphun hrangah ralṭha zetin a nunnak a hlan ti`n mah le mah ka hnem aw” tiah a hringtu a pa cun a ti.

Ralhraang SAC ralkap kut tuar mino 3 cu PDF-Kalay in upatnak sangbik pek in an vuiliam tiah theih a si.

Leave a Reply

Your email address will not be published. Required fields are marked *