Kalay Covid mina tuamhlawmnak innpi ihsin Mina pakhat Dawp That

Sagaing ramṭhen, Kalay Covid-19 Positive Center ih mina pakhat cu June 26, zinglam nazi 11 hrawngah innpi dotthumnak ihsin a dawp that tiah theih a si.

Amahcu kum 30 luan hrawng a si ih inn ihsin a dawp thlak hnu nazi khuai hrawng tiang biak a theih nan, thipuut tawp dingin an tuamhlawm hnu Siizung lam an pan tum lai ah a nunnak a cem tiah theih a si.

Kalay Covid-19 Positive Center ih volunteer mipakhat cun “mithitu hi kiangkap pawl ih sim dan ah zu ruangih thinlung malte buai deuh a si. Center a thlennak nikhat lawng a si lai” tiah The Standard Time Daily hnen ah a sim.

Mithi cu Covid mina vui dan in an vuiliam cih tiah theih a si.

Kalaymyo ah May thlacem lam in tuni tiangah Covid ruangih thi mipum 100 an kim zik thlang tiah TSTD in a tarlang a si.

Leave a Reply

Your email address will not be published. Required fields are marked *