Kalay PDF sakhaan luhcilh an si ih Kyat ting 500 man hrawng bungrua sung thluh

Kalay peng, PDF Kalay – Battalion 4 cu May 14 ah ralhraang ralkap pawl in an luhcilh ih Furpi hrang ei-in bungrua an khawlmi telin kyat tingteel man thilri an siat sak.

An luhcilh hlan ah fighter vanzam 3, MI 35 helicopter 2 le Drone vanzam thawn nazi hrek hrang an kap hmasa.

Cuhnu ah ralhraang SAC ralkap thazang 200 hrawngin sakhaan an nor ih mipi ralkap thawn minute 15 hrawng an kapaw ti a si ih ralthuam thlauaw ruangah PDF ralkap pawl dung an siip tiah theih a si.

Ralhraang ralkap in Sakhaan an luhcilh mi thuthawn pehparin People’s Defence Force Kalay – Battalion 04 in thuhla cipciar an tarlang ih “Furpi hrang khawlciami thilri, bungrua, buuk pawl le raltlan nauhak hrang Tlawng on sak mi le Siikhaan tivek pawl in urkaang sak. Sakhaan thilri kyat ting 500 man hrawng in siat sak” ti`n an tarlang.

Cuvek dinhmun a si ruangah hram ṭan sal thei dingin mipi ṭanpinak kan mamawh ti`n People’s Defence Force Kalay – Battalion 04 cun thusuahmi ah an tarlang a si.

Leave a Reply

Your email address will not be published. Required fields are marked *