Kachin ram, Mali Kha tipi sungah Vanzam siat mi hmusuak +VIDEO

Kachin ramṭhen, Putao District (ပူတာအိုခရိုင်), Machanbaw Township (မချမ်းဘောမြို့နယ်) Mali Kha tipi sungah vanzam siat mi an hmusuak.

October thla thok lam ih hmuhsuah mi a si ih Machanbaw Township tlangval pawl in ngathlair an feh nak ah an hmusuak mi a si.

“Vanzam hmusuaknak hmun cu a thuk tuk lemlo. Nan, ti tha a cak zet. Vanzam cu vutnel in a khuh ih a mei lole a thla siding zum um mi cu a leng ah ပေ 20 hrawng a hung suak.”

“Myanmar rampi zalennak a ngah hlan ah hih hmun kiangkap hrawng ah vanzam tlak mi tamzet a um ti`n kum upa lam deuh pawl in an sim ṭheu. Tu ih hmuhsuah mi cu a thla siding zumumnak ah 039 ti`n cangan a um” tiah Putao ih um ကိုချစ်လှိုင် in a sim.

Vanzam siat hmusuak mi cu Putao District cozah hnen khal ah simthan a si zo ih Tatmadaw ralkap ṭhenkhat le Putao District cozah ṭuanvonei pawl cun a hmun rori ah feh in zohfelnak an nei.

Hih thuthawn pehpar in Putao District General Administration Department ih ṭuanvonei ဦးသန့်ဇင် cun “tui` ni ah kan va zoh. Vanzam cu tikap thawn ပေ 30 hrawng hlatnak ah a um. Tidai in a fen ruangah hi hmun ah a thleng mi si lo in tidai luang dan a thlengaw ruangah a lang mi siding zum a um.”

“Leitlun ralpi voihnihnak ṭum ih tlak mi a siding. Nan, zo pawl ih Vanzam a si ti khal theiciang a si lo. Tatmadaw ṭuanvonei pawl khal in tu ni ah an va zoh ih kil him dingin hmalaknak an nei” a ti.

ref:NewsEleven,KoYePutao

Leave a Reply

Your email address will not be published. Required fields are marked *