International Criminal Court ah SAC ralkap heek theih dan ding hmalaknak nei rero

Mihring pianvo pahbal in le humhim dingmi rampi mipi sawn riangri that rerotu SAC ralkap cu ICC ih heek thei danding tawlrelin le daan lo ih ralkap cangvaihnak pawl fumfe zetih khihhmuh thei dingin hminsin ngankhumnak thawn ṭanlaknak neih a si rero thu NUG ṭuanvonei U Aung Myo Min in Myanmar Now hnen ah a sim.

Amahcun “ICC ih kan thlen tikahcun mihring pianvo pahbaltu tilawng siloin bulpak nunsualnak lam tuahtu dinhmun khalin an thleng ding” a ti.

“International Criminal Court hrang lawng siloin tikcucaan a kim tikah upadi vekih tazacuai theih ding khalin a ṭulmi tete hminsin ngankhum hmalaknak kan nei thok rero zo” tikhalin a sim hrih.

Cuih hmalaknak cu mipi` cozah NUG lawngih tawlrelmi siloin UN Human Rights Council in 2018 ih a din suahmi “IIMM” Independent Investigative Mechanism for Myanmar thawn hmalaknak an nei tlang reromi a si.

AAPP hmuhsuahmi ah Min Aung Hlaing hohami kawlralkap in February 1 ih kumpi cozah thuneihnak an la hnu in May thla thok tiangah an kut tuar ih thi mipum 700 an luan zo ti a si ih daan lo ih kaihkhihmi mipum 3000 luan an um zo.

Cumi thuhla pawl cu NUG lam in fumfe zetin ngankhumnak an nei ve tiah ruah a si ih, kum 2011 hnu ih kawl ralkap sual tuahmi, daan pahbal mi hmuahhmuah le NUG in a thar ih ngan khummi zate cu ICC hnen ih suahpi dingah IIMM in zohfelnak a nei thluh ding.

Ralkap ukhruainak titawp dingin Myanmar ram thawn pehparmi pawlkom tamzet le Human rights thawn pehparmi pawlkom siseh, Leitlunhuap ram ṭhenkhat khalin theitawk suahin Myanmar ram an ṭanpi ih tumtahmi thlengsuak theiding Nipi cu Myanmar mipi in tuarfei zetin a thlir ringring a si.

Leave a Reply

Your email address will not be published. Required fields are marked *