Innsang thubuai ruangah innteeknu Hngawng sat bul

Saklam Shan ram, Muse myo, Homun veng ih um mipakhat cun May 13 zaan thim hnu ah a nupi Hngawng a tan sak.

Innsangpa hi siivai tham thinlung buai phahphah a si tiah khuami pawl in an sim ih, nupa karlak thuelawknak a suak ih thin sup thei loin kum 30 mi a nupi hngawng a tan sak.

Inn kiangkap in palik an ko nan inn an thleng ahcu innsangpa a tlan hlo zo. Khuami mipakhat cun “innsangpa hi Sii tham thinlung buai ṭheu a si. Fale 2 an nei. Palik in a ruak an thiar zo nan a Lu an hmu lo. Khawi lam ah a hlon si pei maw? zo hman in kan hmu lo” ShanNews hnen ah a sim.

Innsangpa khal siseh Innsangnui` Lu bul khal an hawl nan an hmu thei hrih lo.

Muse cu China-Myanmar ramri ih um rit theih siivai hmangtu tamzet umnak a si nan hivek hngawng tanawk lawmmam tiang buainak tuahtu cu an um hrih lo tiah khuami pawl in an sim.

Leave a Reply

Your email address will not be published. Required fields are marked *