Ralhraang pawl ih hawl mi mino pakhat cu sangkate in a dawp that

Puak kuai thei thilri tuahtu tiih puh mi Lin Lin Tun (kum 20) cu ralhraang pawl in kaih an tum ruangah thinphang in sangkate ihsin a dawp ih a nunnak a cem.

Yangon, Shwepyitha myone ih bomb puak mi thawn pehparnak neitu tiih puhmi Nay Lin Tun cu ralhraang pawl in an kai ih thusutnak an nei tikah puak kuai thei tuahtu cu Lin Lin Tun (kum 20) a si ti`n a sim hai. Cuih tlun ah Lin Lin Tun umnak Insein Township ih inn number tiang a relsuak thluh.

SAC ralhraang pawl cun August 19 zaanlamri ah Lin Lin Tun umnak inn an kulh thluh ih kaih an tum ruangah Lin Lin Tun cu thinphang in inn dothnihnak ihsin a dawp ih a nunnak a cem tiah theih a si.

Ralhraang pawl cun innsung an hrawh fai thluh nan puak kuai thei thilri pakhathman an hmu lo ruangah Lin Lin Tun
thawn umtlangtu nunau pakhat cu thusutnak nei dingin palik zung ah an hruai cih.

Lin Lin Tun thih thu thawn pehpar in သတင်းမှန်ပြန်ကြားရေး cun “Concrete par ah a tlak ih a hna,a Ka le a Lu pawl in thi a suak. A hmun rori ah a thi cih” tiah an tarlang.

Lin Lin Tun ruak cu ralhraang siizung ah an phur ih zohfelnak an nei hnu ah a ṭul dan vekin zirzoinak le hmalaknak an nei vivo tum tiah သတင်းမှန်ပြန်ကြားရေး cun thuthang an suah a si.

Leave a Reply

Your email address will not be published. Required fields are marked *