In ra ngairtu cu an thi ṭheu tiih catarnak Palik zung cilnuai tuar

Mitihrim le mi ziang siarlo phungpha in “In ra ngairtu cu an thi ṭheu” tiih catarnak, Sagaing ramṭhen, Shwebo myo ih palikzung cu tuizing October 10 ah People Defence Force Shwe Bo in an va cilnuai tiah theih a si.

PDF – Shwebo ralkap pawl cun palik sakhaan sak le thlang in kut tuah bomb thawn an va nuai mi a si.

“Zinglam nazi 10 hrawngah Palik Sakhaan saklam le thlanglam in kut tuah bomb 10 kan va deng” tiah People Defence Force Shwe Bo ih ṭuanvonei mipakhat cun a rel.

Cilnuai tuarnak palikzung ih ralhraang pawl cu thinphang in dung an siip ih ṭih kap in meithal an kap ciamco nan Shwe Bo PDF lam ah hriam tuar le khawngaw an um lo.

Ralhraang pawl hmunram ih cangvaimi a si tikah mithi le hriam tuar um zat theih fiang man a si hrih lo ti`n Shwe BO PDF in thu an suah.

“A phunphun in mipi soisatu SAC ralhraang le a hmanfung pawl cu a rem dandan in kan do peh vivo ding” tiah Shwe Bo PDF ih ṭuanvonei mipakhat cun a rel. (Mizzima)

Leave a Reply

Your email address will not be published. Required fields are marked *