Hpakant, Lungmankhung laihnak hmun ah Leimin, Miruak hawlin cangvaihnak nei rero lai
Kachin ramkulh, Hpakant ih lungmankhung laihnak hmun ah lei a min ih minung 50 luan an thi thu theih a si.
Tuizing nazi 8 hrawng ih thilcang a siih leimin in minung 200 luan hrawng a silh ding an zum ih mithi ruak 50 hrawng an phorhsuakzo tiin kawlram meithatzung cun a phuang.
Kachin lungmankhung laihnak pawl cu Fur caan ah hnaṭuan loin, cawl dingin thusuah mi asinan, lungmankhung laihnak hmun tamsawn cu cawl loin hna an ṭuan thotho a si.
Kawlram cozahpi in laih nawn lo ding tiih a khamnak hmun tamsawn khalah an lai thotho ih tuah hivek dinhmun a thleng a si.
Tu khalah miruak hawl in cangvaihnak nei rero a siih thuthang dang a um le kan run pehzawm vivo ding.
ref & Zuk:BBC
