Hpakant LeiMin Nakah Hna an Ṭuan ThokSaal

Lungmankhung laihnak hmun min ruangih mipum 200 hrawng an thihnak hman reihlan ah Hpakant ih lungmankhung hawltu pawl cu theih thamin an mal phah cuanglo.

Company pawl ih lungmankhung hawl ciabang, leivawr hlawn mi ah nunnak thaap in lungmannei hawl ih vaktu nitin an um ringring thotho.

Cupawl lakah kan dung leimin nakih thihkhatluat Mg Kyaw Su (kum 28) khal a telve ih, amah cun, “kan nih nikhat hawlmi eicawp pawl cun bulpak khur kan nei/lei thei ve lo. Tuvek Fuurpi ih company pawl hnaṭuan cawlh tikcuu hi caan ṭha kan neihsun a si ruangah kan ṭuan ṭheu thotho a si” tiin Fuurpi ih company pawl hnaṭuan cawlh tikcuu hi an hrang ih caanṭha neihsun a si zia le innsang cawmnak ih ṭuan tengteng a ṭul zia a sim.

Lungmankhung tamzet suaknak Hpakant ah amah Mg Kyaw Suu vek (ရေမဆေးသမား) lungmankhung hawltu nu/pa mipum ting 3 hrawng an um. Hih hmun ih suakmi lungmankhung tamsawn cu China ram ah daan loin an phurlut ih an zuar ṭheu.

ရေမဆေးသမား ah pu le nei khal an um ih bulpak ih hawltu khal an um ve. Nan, an sunmang cu “nikhatkhat ah ka hlawh tling dingih kei mai` duh mi siipuaizi ka tuah ding” ti hi a si.

A remcang mi zuk kan tar men mi a si. Hi zuk cu kum 2014 ta a si.

Miṭhenkhat cun duhhamnak ruangah mah nun rori thaap in lungmankhung an hawl an ti nan, lungmannei hawltu pawl ih thuanthu, kanhmuhban lomi an thuhla pawl vun thei ciang ahcun zangfah an um sawn riangri a si.

ref:RFA
Zuk : A remcang mi ka tar men mi a si

Leave a Reply

Your email address will not be published. Required fields are marked *