Hpakant ah Leimin Lala – +Video

Kachin ramkulh Hpakant khua ah leiminnak a suak ih leimin thei dang khal a um lai hrih ruangah ṭuanvoneitu pawl in mipum 100 lai cu hmun dang ah an ṭhawnter tiah Kachin ramkulh cozah in an phuang a si.

Leiminnak kiangkap ih um, inn 200 hrawng a siat zo ih min thei dinhmun a si mi, hmun kiangkap ih um mipum 100 pawl khal ṭuanvoneitu pawl in a himnak hmun ah an ṭhawnter a si.

Kan dung baite ih lungmankhung laihnak hmun a min ruangah mipum 200 hrawng an thi zo ih, cuvek boruak a umnak hman rei hlan ah hivekin leiminnak a suak lala ruangah mipi an thlaaphang zet.

Atu leimin thei dinhmun ih um khal, kan dung leiminnak kiang thotho ah a siih khawsung um MaLeh cun, “kan umnak inn cu a tawlh hrih lo. Nan, ṭihnung dinhmun ah kan um. Aduhduh tik caan ih minthei a si ruangah zaan khal kan it theilo. Itnakding thazaang khal kan nei lo. Tu khalah ni 5 sung rori ruah a sur zo.

Kan thin phangtuk ruangah zaan kan it theilo. Zinglam nazi 4 hrawng lawng ah kan it ṭheu. Cun, rawl kan ei ih a him deuhnak hmun ah kan feh ṭheu. Tulai cu cutin siko kan um ringring.” tiin a sim.

Fuurpi tinten Hpakant lungmankhung laihnak kiangkap ah leiminnak a suak ringring. Leiminnak ruangih innsiat khal a tamzet ih mithi khal an mal lo.

Kum 2015 ihsin tuthla July 2 tiang, Hpakant leiminnak ruangih thi, mipum 1000 an luan zo a si.

ref:RFA

Leave a Reply

Your email address will not be published. Required fields are marked *