Hmunram cuhawtu Tlangpar hriamhrei keng doawknak ah khuami 5 thi, 3 hliam tuar

Shan : Hmunram cuhaw in Kyaukme District(ကျောက်မဲခရိုင်) sungih SSPP (Shan State Progress Party) le SSRC (Shan State Rehabilitation Council) an doawk nakah khuami 5 thi in mi 3 in hliamhma an tuar tiah theih a si.

2021, February zarhhnihnak ihsin an kapaw thok zo tiah theih a si ih “mi 5 an thi zo. Kawl ralkap pawl in Myanmar rampi ukhruai thuneihnak an la hnu ah an kapaw thok. Doawknak ah khuami mipa 3 le nunau 2 an thi. Hliamtuar cu amalbik 3 an um” tiah Kyaukme ih um mipakhat cun Shannews hnen ah sim.

March thlacem lam in nazetin an kapaw thok ih kaphnih lam in dungsiip lai an rel lo. Aninii in an boruak a sosang vivo ruangah raltlan 1000 hrawng an um zo.

Manmaing khua phungki tlawng ih beunak hawltu raltlan pakhat cun “mihlun, mithar le tuini ih ratlan pawl thawn raltlan 300 hrawng kan luan ding zum a um. Cazin kan tuah man hrih lo. Nikhat dan in an kapaw ih tuini khal an kapaw. Mizaan lam khalah inn 9-10 hrawng a kang. Kan va zoh ngam lo tikah a cekci in theih a har” a ti.

Saklam Shanram ih hrambun ShewPhiMay media cun inn 28 hrawng a kang zo ti`n an tarlang ih March 28 khalah bomb kah mi ruangah inn 3 a kangral tiah an ngan.

Raltlan tamsawn cu NGO ṭanpinak thawn tuhrih tiangah ei-in ding an tlasam hrih lo nan caan rei hrang ahcun sim theih a si lo tiah Shannews in a ngan.

Leave a Reply

Your email address will not be published. Required fields are marked *