Hmun 6 ih duhphorhnak neitu mipi lakah Minung 13 kahthat an si

Ralkap uknak duhlo i lamzawh duhphorhtu rampi huap mipi cu March 3 khalah palik le ralkap in nasatak in an cil ciamco i minung 13 rori an kap that.

Tuizing, Yangon, North Okkalapa Township ih duhphorhnak neitu mibur cu palik le ralkap in meithal thawn an kap ciamco minung 3 an thi. Hliamtuar pawl tuamhlawm dingih pumpeawtu le duhphorhnak neitu mipi tamzet cu ralkap le palik in kut an thlak ruangah hliamhmatuar besia an tam zet.

Sagaing ramṭhen, Monywa ih duhphorhnak neitu pawl khal palik le ralkap in meithal, mitthli tlak bomb thawn an kap ciamco ruangah amalbik miparuk an thi ih hliamhmatuar mipum 10 luan an um.

Mandalay ramṭhen, Myingyan ih duhphorhnak neitu pawl cu palik le ralkap in zinglam nazi 10 hrawng ah an kap ciamco ih cerek ngai thawn an kap ngah mi mino (kum 21) pakhat cu zinglam nazi 11 hrawng ah a thi. Hliamhmatuar 19 luan an um.

Mandalay, 84,30 lamziin ih daiziar duhphorhnak neitu pawl khal palik le ralkap in mitthli tlak bomb le cerek ngai thawn an kap ciamco ruangah kum 19 mi မကြယ်စင် le kum 37 mi ကိုမျိုးနိုင်လင်း tei` nunnak a liam phah ih minung 20 hrawng in hliamhma an tuar.

Magway ramṭhen, Salin myo khalah March 3 zingih kaihkhih tuarmi mipahnih thlah zalen dingin mipi in duhphorhnak an nei ruangah palik an cangvai ih mipakhat thi in mi 5 in hliamhma an tuar.

Yangon, တောစိမ်း khua ah ralkap mawṭaw rual rak auhnawhtu mino pawl cu ralkap pawl in an thawi ciamco ih Caw khaal phah i game lek lai mino pakhat cu meithal thawn an kap that.

Leave a Reply

Your email address will not be published. Required fields are marked *