Hlasak thiam Mee Mee Khe mual liam

Myanmar ram hlasak thiam Mee Mee Khe (kum 37) cu October 16 Australia zaan nazi 9 luan hrawng ah a nunnak a cem tiah hlasak thiam Sangpi in Facebook cahmai ah a ngan.

Sangpi cun in cem san hlan ah thla ka cam sak ta ti`n a ngan ih Mee Mee Khe pasal hlun Htoo El Lynn le Myanmar ram music khawlvel ih a rualpi pawl khal in an riah sia nak ca ngan in Facebook cahmai ah an tarlang.

Mee Mee Khe cu Myanmar ram guitar siangpahrang စောဘွဲ့မှူး ih fanu a siih hlasakthiam ကဗျာဘွဲ့မှူး ih naunu khal a si.

Cancer natnak thawn caan reizet a damlo hnu ah a besia vivo ih cancer stage 4 tuar in mual a liam a si.

Apasal hlun Htoo El Lynn thawn an nei mi fanu pakhat le tui` a pasal thawi` neih mi fate pahnih tansan in a nunnak a cem a si.

Leave a Reply

Your email address will not be published. Required fields are marked *