General Min Aung Hlaing President A si ding – Opinion

2020 rampi hrilawk nakah Central ( Bahu) ah ziangParty hmanin Majority Government an din theilo ding ruangah Coalition Government in rampi kan feh ding ticu thil fiangcia a siih, NLD in seat tambik rak la hman sehla Majority a si theilo ding ruangah Ralkap 25% + pawlthawn Coalition Government an tuah dingih General, Min Aung Hlaing President, a si ding ticu el theilo thilfiang a si.

2015 rampi hrilawk zikah NLD cun ram mipi hnenah thutiam kam mi pathum an neiih,
1. 2008 ram daanpi kan rem ding.
2. Federal uk nakin kan feh ding.
3. Tlangpar mi ralthuam hriam nam kaipawl rualrem nak kan tuahpi thluh ding.tipawl hi mipi an tiam kam mi an si.

Asinan tuisun nitiangah NLD hin an thutiam kam mi zianghman tuahsuak mi an neih lo tikah, A hleice in tlangpar mi pawlhrangah NLD hi zumnak leh rinsannak a um nawnlo tikah State tinkim ah NLD dinhmun a tlak niam vivo nak cu a si.

State tinkim dinhmun kan zoh tikah 2015 ah khan Rakhian leh Shan State ah NLD in nehnak an rak colo zoih, 2020 hrilawk dingah Rakhain State Constituency paruk ah NLD in Candidate an ret ngam nawn lo ih,Kachin State khalah KIA pawlin NLD zumnak an neih nawn lo ruangah NLD hrangah rauhsan ding a um lo, Shan, Karen, Kaya leh State tinkim ah NLD zumnak a um nawn lo ruang kan duh maw duhlo maw Coalition Government in kan rampi cu fehding ticu a fiang.

Curuangah Coalition Government ah hin NLD leh Ralkap lawng silo in Tlangpar mikhal kan telve a ṭul ih, Coalitionn Government ih telthei dingcun mah le State ah mai miphun Party a cah a ṭul, cumi lawngah Coalition Government ah President hrilnak khalah kan telve dingih thuneih nakdang ziang tinkim ah Kawl pawl thawn dinhmun rualran aw miphun kan si thei ding.

NLD leh Ralkap hi Administration ah cun Policy danglam zet veve an siih, Asinan tlangpar mi pawl ukbet leh palbet nakdiing thu ah cun Policy bangrep Kawl cu Kawl veve an si ruangah State tinkim ah NLD cu colhter an si dingih an mah le miphun Party cio an cak dingih Central Coalition Government ah an telve thluh dingih Kawl NLD leh Ralkap pawl thawn dinhmun bangrep thu neihnak bangaw ah an um ding.

CHIN miphun teh KHUIMI lamzin kan ZAWH ding???

Pu Khuang Lian Sum FB cahmai

Leave a Reply

Your email address will not be published. Required fields are marked *