Gangaw ih Ralkap an Do dan Chinmi in kan zir ṭul

April 7, Kalaymyo kahawknak ih mipi lam kan tuar nasatuk cu thu rual lo, ralthuam thlauawtuk, kan lak ih ralkap lam ṭang thlingthlatu an um ruangah le Pawlkom zawng ih hruaitu/bawmtu/khuakhangtu sanbaunak ruangah a si tiah boruak rak thlirtu thuruatthiam pawl in an rel.

Cuih ṭum ah mipi lam in mithi 12 rori an um ih hih ṭum ih thil thleng thlir a si tikah neta lam ih cangsual lo dingin zir suak ding pakhat kan nei. Cumicu SAC ralkap kan do dan tactic hi a si.

Hih thuthawn pehpar in mipi lam cetcangdan rak thlirtu Ko Htun Htun cun Gangaw ih kahawknak thawn khaikhin in BBC hnen ah hitin a sim.

Amahcun “Kalaymyo ralkham buuk an siim ṭum le Gangaw ih kahawknak kan zoh ṭhim tikah zir dingmi kan nei.”

“Gangaw kahawknak ahcun mipi lam in Myittha tivaral in ṭan an la. SAC ralkap cu Myittha tiva ih nisuahnak lam ah an ṭang. Cutin an kapaw lai ah mibur malte in ပြောက်ကျားစနှစ် hmangin a siir zawng in ralkap pawl an rak hnaihnok. Ralkap lam in kah an tum le dung an siip lohli. Culaiah ralkap in cupawl an ngaihven lai ah mibur dang in dunglam in an rak nam lala. Mimal burkhat tete in cutin dung-hmai-siir in an hnaihnok tikah ralkap pawl cu an cangdan a lai thluh ih mipi lam in duhsahten an kap thei. A minung zawng ih zoh cun mipi lam an mal sawn nan mithi le hliam tuar an mal. Ralkap lam ah mithi le hriam tuar an tam phah”.

“Kalaymyo ahcun cuvek tactic an hmang lo tikah mipi lam in kan tuar cuang” a ti.

Hmailam tikcucaan ih thil thleng leh theimi thu ah “tuṭum kahawknak ih kan sung dan hi riahsiaza a si. Nan, vanṭhatthlak zetin mino rak luat man an tam. Hmailam ahcun a ṭhathei bikin cangvainak a um ding kan beisei” a ti.

Leave a Reply

Your email address will not be published. Required fields are marked *