Fifir ṭih ruangah Kawlram palik in Bagan, sun-zaan in kil

Fifir pawl ṭih ruangah, Leitlun santhuanthu zohciannak hrangih hmun thupi pawl lakih telbanve Bagan cu kawlram palik in sun-zaan in an kil.

Covid – 19 ruangah tourists vehvaitu um lo in le kiangkap ih hotel pawl a ruak thluh ruangah fifir pawl in caan ṭha ah an laakih, puuraang ih retmi thilmankhung pawl an fir ṭheu ruangah hivekin kawlram palik in an kil naksan a si.

Bagan cu 9th centuries hrawng ihsin umzomi a siih, tuah, biakbuuk le puuraang 3,822 hrawng a um. Kawlram sungih Covid – 19 hmuh thok hrawng ihsin vehvaitu a nei mal vivo ih a ninii in a ṭhing vivo.

Cutiih ṭhingriapri ih a um mi cu misual/fifir pawl in caanṭha ah batin biakbuuk le puuraang ih retmi hlanlai thilri, thilmankhung pawl an fir thok.

Bagan ih ṭuanvonei upa pawl in thilri a hlo ti an thei hnu in CCTV khal an bun nan, fifir pawl cun fehdanding ziinkong an thei thotho ih thilmankhung pawl an fir thei thotho.

Curuangah, Kawlram cozah lamin ramsung ih rohluu pawl hlolonak dingah sun-zaan in palik an kilter a si.

ref:AFP,ASN

Leave a Reply

Your email address will not be published. Required fields are marked *