Federal rampi le ralkap dinsuah a si ding – Dr. SaSa, Interim Union Ministers Dr. Zaw Wai Soe

UN palai Dr. SaSa le interim Union Ministers Dr. Zaw Wai Soe cun Tlangrammi pawl ih beisei zetmi Federal Army dinsuah a si ding thu an sim.

Tuṭum ih Federal Army thuhla an sim suak mi cu Tlangpar hriamhrei kai pawl ralhrang dinhmun ihsin hlon/malh an si zo thu CRPH in a phuang hnu ih relsuahmi a si.

Interim Union Ministers Dr. Zaw Wai Soe cun “ralkap ukhruainak (military dictatorship) hlonhlo dingih timlamnak kan nei mi ah mipi bulpak cio ih tawiawm duhnak lungthin nei hi a thupi zet” a tiih “Federal Army a suak thok thlang ding” ti`n March 18 ah a sim.

CRPH in UN palai i a hmanmi Dr. SaSa khalin “april thla sungah Federal Democracy hrambunmi Daanhrampi thar le lailak cozahpi dinsuah a si ding” tiah a sim.

Federal rampi le ralkap dinsuah ding thuhla cu atufang Myanmar online khawvel ah an rel lar zet hlei ah Dothlen cangvaihnak hrang thazang laknak ih hmangtu mino khal an tam zet a si.

Leave a Reply

Your email address will not be published. Required fields are marked *