February 16 zing ah Internet an phit lala tum

Myanmar : February 15 zaan bangin February 16, tlawngkai nihnih zingin camkhat sung internet an phit tum lala tiah thuthang a suak.

Hih thuthawn pehpar in “February 16 zinglamri in internet an phit tum lala tiah internet pehtlaihnak hnaṭuan company pakhat in BBC hnen ah a sim. Tlawngkai nihnih zinglam nazi 1-9 kar lak phit an tum ti a si ih zingruangah ticu theih a si lo” tiah BBC in a tarlang.

Internet an phit naksan hi zingruangah ticu thieh cian a si lo nan ralkap uknak dodaltu cangvaihnak neitu pawl cun mipi cangvaihnak hlawhtling theilo dingin ralkap pawl in an thluak an suah mi a si tiah zumnak a um.

February 15 zinglam ri ih internet a pit laifang ah rampum huap khua tamzet ih Bank hmai pawl ah ralkap nasaten an cangvai tiah ramsung media tamzet cun an tarlang.

Falam khalah February 15 zinglam nazi 12 luan hrawngah bank kiangkap ah ralkap nasaten an cangvai tiah theih a si. Falam khuasung um mipakhat cun “zaan nazi 12 hrawng ah Economics bank hmai ah hngawngorh sen orhtu meithal keng minung 15 hrawng an um. Lamziin khamnak thirhling an ret ih ka zuk tum nan a remcang thiamlo” a ti.

February 16 zing ih internet phit ding thuthawn pehpar in nidang vekin internet oparetor pawl in custormer pawl hnen ah internet phit ding cungcang message cu an kuat hrih lo tiah BBC in a tarlang.

Leave a Reply

Your email address will not be published. Required fields are marked *