Fate 3 nei zo Kala te nupa cu thumumal umloin Ralkap pawl in an kap that

Sagaing ramṭhen, Tamu ah kan dung zarhkhat lam in SAC ralkap nasaten an cangvai ih tuizing April 13 khalah cangvai pehzom in cawhnawi zuar Kala te nupa (ဂေါ်ရခါး miphun) an kap that.

An kap that san thufelfai theih a si lo nan Tamu khuami pawl cun cawhnawi pek in motor cycle an to lai ah kutzaa um thei lo ah ralkap in an kap that mi a si tiah an rel.

Kala nupate an kap that nak hmun Myoma 12 veng ih ပါဟဲ lilawn kiangkap le veng kiangkap hmun 3-4 ah SAC ralkap umhmun an khuar ruangah cuih hmun kiangkap ah zohman feh lo dingin khuasung mi pawl an sim thei aw.

Ralkap pawl cun an kah that mi Kala te nupa ruak cu lasuak dingin mipi an sim thei nan duhduh caan ih mi kap hluahhlo SAC ralkap an tam tuk ruangah zohman in an la ngam lo tiah Tamu khuami pawl in an sim.

ဂေါ်ရခါး mi Kishan Gtm le Harimaya Gtm te nupa cu Tamu khua, Myoma 12 veng ih ummi an si ih fanau 3 neimi an si tiah theih asi.

Leave a Reply

Your email address will not be published. Required fields are marked *