Fala cuh aw in Palikbawi pakhat Naam thawn dawt that

Irrawaddy ramṭhen, Nyaungdon KTV dawr ah thu elaw in Palikbawi (ဒုရဲအုပ်) pakhat Naam thawn an dawt ih a hmun rori ah a thi cih.

KTV dawr ah siah khong phah, nuam ceen phahin an khawsa ih umpi tuding fala cuhaw ah palikbawi cu naam thawn an dawt that mi a si.

“Room service hrangah an hmang pangai fala an cah ih hmun dang ah an rak hmang zo. Fala cuhaw ah ṭongkam elawin an buai ih palikbawi cu naam thawn an dawt. Uniform a hruh lo tikah Palik a si ti an thei lo. A hmun rori ah a thi cih” tiah palik thawn naivaitu mipakhat ih rel mi cu Ayeyarwaddy Times in a tarlang.

Naamdawttu hi mi 3 si in tarlang a si ih naam dawtawknak a suak veten an tlanhlo ruangah fala an cuh aw mi riangri cu palik zung ah an hruai ti a si.

Palikbawi dawt that ti ih puh tuar mipathum cu KyaingPinSe khua ah an kai saal tiah khawmi pawl in an rel ih, Nyaungdon palikzung ah pukmah 302 thawn thubuai an tuah sak tiah Ayeyarwaddy Times cun a tarlang.

Leave a Reply

Your email address will not be published. Required fields are marked *