Fact Check : India cozah in Republic Day Khuallian dingah Min Aung Hlaing a sawm maw!

India cozah cun an ram niropi Republic Day khuallian dingah BIMSTEC group sungtel Myanmar cozah a sawm tel le tel lo thu a rel fiang.

India le Myanmar telmi, Indian tipithuanthum kap, Bay of Bengal bial ih ram 7 komkhawmmi BIMSTEC (The Bay of Bengal Initiative for Multi-Sectoral Technical and Economic Cooperation) sungtel ram pawl cu India cozah in 26 January, 2022, ih tuah dingmi India Republic Day ah a sawm hai ti`n thuthang a suak.

ASEAN pawlkom hmanin a hnonmi ralhraangbawi Min Aung Hlaing a sawm tel tiah thuthang a suak ih, cuih thu thawn pehpar in India Foreign Ministry spokesperson Arindam Bagchi cun hitin a rel.

“2022 Republic Day hrang khuallian sawmmi thu thawn pehpar in media pawl ih pholangmi thuthang kan rak hmu ve. Cumicu thudik a si lo. Adikmi Hram ih hngetawmi a si lo” tiah a ti.

BIMSTEC sungtel ram pawl a simi India, Bhutan, Bangladesh, Nepal, Myanmar, Sri Lanka le Thailand ram pawl cu Prime Minister Narendra Modi term 2 thutiam a tuah áš­um ah India cozah in Khuallian dinhmun in a sawm hai.

2022, India Republc Day niropi khalah BIMSTEC sungtel ram pawl sawm thluh an si ding tiih thuthang a suak mi cu India cozah palai in a dik lo a si tiah a rel nan Kawlram ralhraang an sawm tum le tumlo cu fiangfai in a rel lo.

Leave a Reply

Your email address will not be published. Required fields are marked *