Facebook ah Myanmar ṭong thawn Fact Check nak Hmang Thok Tum

Facebook cun November, Myanmar rampi hrilaw ni hrangah 2020 kum thok lam in timlamnak a nei rero cia ih tukhalah thuthang diklo kham danding hmalaknak a nei bet thu, tlawngkai nihnih zaan ah a phuang.

Tukum, Kum lai hrawngin nasaten timlamnak a nei ih thuthang dik thlahtu, ramsung cozah theihpi Chin media ṭhenkhat khal, kan dung baite ah verify (hminsinnak bleu tick) a rak pek hai zo.

Tuah, thuthang diklo, hate speech, a dik lo mi party maulphohawknak video tvk um lo dingin le a um khalle mipi in kan theithiam thei dingin Myanmar ram thawn hnaṭuan tlang mi ramsung Fact Check pawlkom 3 thawn kom aw in hmalaknak an nei bet.

Myanmar ṭong tel in hate speech ṭong phun 45 theithiam mi AI khal upgrade nak an nei ih mitampi hnen ah Messenger thawn duh zet forward bet theih mi khal, voi 5 lawng forward thei dingin an rem ṭha. “Adiklomi thuthang lole video tivek cu Messenger thawn kuat sawngaw a tam bik ruangah hih feature thar kan tuahnak a si” ti`n Facebook cun simfiahnak a nei.

Thuthang lole video tivek kan share zik ah ziangtikih nganmi/zukmi a si timi kan theithiam theinak dingin screen par ah kawl ca thawn simfiahnak lang dingin hmalaknak an nei bet.

Myanmar Facebook khawvel ah thuthang diklo a leng thei zet ih tukum thla 6 sungah thuthang diklo lole Facebook daan pahbalmi content ting 3 luan an hlawn zo a si.

Leave a Reply

Your email address will not be published. Required fields are marked *