Europe ram Covid 19 in a nuai mi cu Myanmar ram Company pawl in an rak tuar ve

Myanmar ram ta hnipuan dawr ṭheutu American le Europe ram pawl cu Covid – 19 in a nuai hai ruangah hnipuan an dawr ṭheunak Kawlram Cetṭhit company pawl in harsatnak an tong.

“Tufang boruak cu di a riam lo nasa. Puan ṭhit company pawl ih kan hmang mi bungrua pawl cu China ram ta kan lak ṭheu mi a si. An nih lam cun hna an ṭuan thoksaal zo nan thuamhnaw in order ṭheutu American le Europe ram pawl cu Covid 19 nih a nuai ih, company le dawr ṭhenkhat pawl an phitter ruangah hnihpuan order tu khal an mal vivo. Curuangah, kan hmailam tikcu vun ruat ah thin a bang duh nasa.” ti`n Kawlram Cetṭhit pawlkom ṭuanvo nei U ThunThun cun a sim.

Hivek dinhmun a si ruangah Kawlram Cetṭhit company le hnaṭuantu pawl cu september thla ah meeting an nei dingih, company phit lawk dingin maw, hnaṭuantu ti mal deuh lole thlahlawh ṭhum dingin maw? timi thu reltlangnak an nei tum.

China ram ih Covid – 19 a suak pekte hrawng ah bungrua lak ding a um lo ruangah Kawlram Cetṭhit company pawl in harsatnak an rak tong zo ih, tu khal ah bungrua a um nan order tu an mal tuk ruangah harsatnak an tong a si.

ref:BBC

Leave a Reply

Your email address will not be published. Required fields are marked *