Election hrangah ti`n SAC ralhraang in a ṭul poimawhmi le Hmin cazin an la thok

Rampi hrilawknak hrangah ti`n SAC ralhraang cun Yangon myone ṭhenkhat ah mipum cazin a la thok rero zo.

Innsaang mipum um zat ngankhumnakding caphek pawl cu veng sung Ralhraang zung ihsin an zem darh tiah thuhla felfai zirzoitu People’s Spring in a tarlang.

Innsang thuhla cipciar ngannak dingah hmin, suahni, hmatpungtin number, Pa hmin, Nu hmin, phunhnam hmin, hnaṭuan le umnak inn number tvk pawl kimciangten ngan thluh ding a si.

Veng ṭhenkhat ahcu innsang mipum umzat cipciar ngan thluh hnu ah zung ah mahten va ap dingin an fial ih, hmun ṭhenkhat ahcun caphek tantain a thaizing ah an khawng leh saal.

Innsaang mipum cazin ngan khum nak ding ……….

Ralhraang thuthang phuang ṭheutu media ṭhenkhat ngandanvek a si le rampi hrilawknak cu a ra lai dingmi hnakum, August thla ah an tuah tum ti a si ih hrilawknak cu PR system (Proportional Representation) hmangin an fehpitum.

Adikmi hrilawknak si thei dingin rampumhuap hmun ṭhenkhat ah mipum cazin an la ter rero zo tiah theih a si nan, Kawlram mipi cun za ah za an ring thei lo a si.

Leave a Reply

Your email address will not be published. Required fields are marked *