Dothlennak hmui cuang tattoo cuktu Meihlio thawn malh sak

Mandalay ih um mipakhat cu Dothlennak thawn pehparmi tattoo a cuk ruangah ralkap rual in meisa hlio thawn an malh sak.

April 4, zaanlam nazi 7 hrawng ah an inn ihsin a suak hnu reilo te ah ralkap rual in a taksa dap in an check ih a ban ih tatto cukmi an hmu suak.

Aban ih cukmi Dothlennak tattoo hmui cuang, 22222 le Daw Aung San Suu Kyi tattoo cu motor tire urkangmi sa ah an rawt sak.

Zuk ih kan hmuh vekin a ban ih tattoo cuknak cu a ṭawt ih hnaikhuar vekin ti khuar in a dum thluh. An rawt sak lai ah “zuk dang teh cuk a theih lo maw si” tikhalin an ṭong san phah tiah theih a si.

Amah hi an thlah sal nan an thlah hlan ah Kut-Ke le meithal tawkawng thawn khal an thawi tiah ramsung media ṭhenkhat in an ngan.

Tuih thil thleng kan zoh tikah ralkap ukhruainak hnuai ahcun kan mah bulpak taksa par khalah thuneihnak kan nei nawn lo tihi a lang fiang zet a si.

Leave a Reply

Your email address will not be published. Required fields are marked *