Doawknak a um hran lo nan SAC ralhraang in Helicopter 4 thawn khawmi pawl an kap

PDF le SAC ralhraang an kapaw hran lo nan Sagaing ramṭhen, Wetlet peng ih khua cu ralhraang SAC ralkap pawl in raldonak helicopter 4 hmangin an kap ciamco tiah khawmi pawl in an rel.

January 3, zaanlam nazi 2 hrawngah Wetlet peng ih Nyaungpingyitaw khua cu raldonak Helicopter 4 thawn an kap ih khawmi pawl cu thingphangin an tlanhlo thluh ti a si.

Cuihtlunah Helicopter thawn ralkap thazang tamzet an ṭhum ih, cupawl cun khawsung luhcilhin phungki tlawng an kulh tiah khawmi pakhat cun a rel.

“Doawknak tivek a um hran lo. Cuticingin raldonak helicopter thawn kan khua an kap. Atuah phungki tlawng an kulh thluh. Khawmi pawl cu thinphangin kan tlanhlo thluh. Atutiang khawsung ah an um lai” tiah khawmi pakhat cun KTM hnen ah a sim.

Khawmi pakhat khalin MI-35 raldonak vanzam thawn an khua an kap thu le Helicopter thawn an ṭhummi ralkap thazang 50 hrawngin meithal kap puak phahin khua an luhcilh thu a rel a si.

Leave a Reply

Your email address will not be published. Required fields are marked *