Doawknak boruak ih tlan man lo Khawmi ṭhenkhat vansang an lam

Tuni, April 14 ah Kayah ramkulh, Loikaw khua ah doawknak a suak ih, hmun him ah tlan man lo khawmi ṭhenkhat an um.

Veng sungah ralthuam tum zian a tla ih inn siatsuahmi a um hlei ah hriam tuar ṭhenkhat an um tiah mibawm hnaṭuantu pawlkom sungtel mipakhat in a rel.

“Tufang cu boruak a dia deuh nan, tlan man lo khawmi ṭhenkhat an um lai. Kan mah khalin kan hmuak thei loih, an mah lam khal an ra suak thei lo. Zing ah mawṭaw 2 thawn a tlem tawk kan phur zo nan, a tang lai an um hrih. Bomdilnak khal kan dong nan kan bawm thei hrih lo” tiah amahcun TStD hnen ah a sim.

SAC ralhraang le hriamkai pawl khawsung ah an kapaw ih veng dang hmun him ah kan bawm thei sun khawmi pawl kan ṭhawn rero tiah amahcun a rel bet hrih.

Kayah ram ah April hmasabik zarh hrawng khan SAC ralhraang le mipi humtu hrimkai pawl nitin an kapaw.

KNDF in Loikaw khua, Chikei veng kiangkap boruak a sosang ruangah vengsungum pawl hmun him ah tlan lohli dingin tuni April 14 ah tlangthannak an nei.

Doawknak ah hriam tuar le mithi an um nan tu dinhmun ah thuhla felfai a suak hrih lo a si.

Leave a Reply

Your email address will not be published. Required fields are marked *