Dangdai Duhphorhnak Zuk pawl hin Leitlun huap Mipi A Hiip Hleice

Tuṭum Myanmar rampi buainak hi leitlun huap mipi ih ngaihven kan hlawh zetih thapektu khal kan nei tamzet.

Cucu internet san a si ruang khalah a si thei nan ramleng online media pawl kan zoh a si le leitlun mipi kan hiip thei naksan kan hmu thei.

Cumicu dangdai phunphun in duhphorhnak neitu mino miralṭha an tam ruangah a si. Abikin taksa riruangṭha mino pawl in angki phelh in duhphorhnak an nei mi hin leitlun mipi a hiip zet.

Leitlun media hminthang a simi AFP, DailyMail, The Sun, Metro tipawl tiangin cahram/thuthang cahmai zuk ah hmangin online ah nasaten an theh darh a si.

Youtube lam khal ah 1 million luan subscriber neitu CNA, DW News, Al Jazeera English tvk pawl in news video thumpnail ah an hmang ih video zohtu khal an nei tam phah zet.

Youtube comment nakih hmuh ding tambik pakhat cu “ramdang buainak hi ka ngaihsak dah lemlo nan angki phoih taksaṭha mino pawl hin ka mit in laak zet. An ram buainak thudik khal ka thei phah thluh” ti hi a si.

Culodang duhphorhnak dangdai langsar cuang pawl cu mopuai sinfen hruh fala le tlangval, ‘ka tlangval hlun cu minunrawng miṭhalo a si. Nan, Kawlram ralkap an besia sawn’ timi cangan, Ka hnawi cu ralkap Thluak hnakin a tum sawn tvk pawl an si.

A couple wearing in wedding attires joining the anti-coup protest in Myanmar.

Leave a Reply

Your email address will not be published. Required fields are marked *

error: hahahahahaha !!