Covid 19 volunteer hmuhsuamtu mipakhat cu palikzung ah thubuai tuah sak

Bago ramṭhen, Minhla, Sein Kant Lant khua ih Quarantine luttu ကိုအောင်မျိုးဦး cun ṭongkam mawilo in Covid 19 volunteer pawl a phun` camriam nasa tuk ruangah ṭuanvoneitu pawl in Minhla palikzung ah thubuai an tuah sak.

Otober 17 zaan nazi 8 hrawng ah meisa a mit ih cumi sungah ကိုအောင်မျိုးဦး cu a hran ten umkhawm ter mi a nupi le numi dang Quarantine khumnak hmun ah a rak feh thup.

Quarantine center ih ṭuanvoneitu pawl in thu um dan an thei fel hnu ah thusutnak an nei ih ကိုအောင်မျိုးဦး cun ningzak phah thawn a camriam ciamco hai hlei ah cabuai le tohkham pawl a sit/pal ciamco.

ကိုအောင်မျိုးဦး buainak thuthawn pehpar in Sein Kant Lant khua ih Covid 19 committee tongkhawmawnak an nei ih zate lungrual in October 19 ah ကိုအောင်မျိုးဦး cu သဘာဝဘေးအန္တရာယ်ဆိုင်ရာစီမံခန့်ခွဲမှု daan thawn hmalaknak nei sak dingin Minhla palikzung ah thubuai tuahnak ca an theh lut.

Minhla palikzung lam in thubuai tuahnak ca cu an co hlang ih “buainaksuaktertu ကိုအောင်မျိုးဦး cu Quarantine ihsin a suak veten a ṭuldan vekin hmalaknak kan nei ding” tiah Minhla palikzung ih ṭuanvonei Lin Lin in a sim.

Leave a Reply

Your email address will not be published. Required fields are marked *