Covid 19 mina tuamhlawmnak dingih Cinema zung 4 hlu tu Lwin Moe le U Tin Maung Win

City FM le Paradiso cinema neitu Myanmar lemcang khawvel ih hminthang Lwin Moe le U Tin Maung Win cun Yangon khua sung ih Paradiso Cinema zung pali pawl cu ramsung Covid 19 mina tuamhlawmnak Center ah hmang sung dingin Myanmar rampi Harhdamnak le Lehpannak zung kut sung ah an up.

Cuih Cinema zung pali cu သန်လျှင်၊ မြောက်ဒဂုံ ၊ မင်္ဂလာဒုံ le လှိုင်သာယာ khua pawl ih um mi an si tiah Paradiso Cinemas Paradiso facebook cahmai ah an tarlang.

Cinema zungpi sung ah cun Aircon, bathroom, meisa cet tvk famkim in a um cia thluh ih thawl zet in minung 30 hrawng an tlem ding hlei ah motor parking nak ding khal a um cia ṭhepṭhep tiah Paradiso Cinemas Paradiso facebook cahmai ah an ngan.

Covid 19 suarhnihnak ih talbuai Myanmar rampi harsatnak tong caan ah hivekin siang zet in le Myanmar rampi duhdawtzia langtertu Lwin Moe le U Tin Maung Win cu mipi in an fak zet a si.

Leave a Reply

Your email address will not be published. Required fields are marked *