COVAX tawlrelmi Covid 19 dokhamsii ngah tu ding ram harsa 92 ah Myanmar ram tel ve

2021 kum sung ah medium-income harsa deuh ram 92 hrang ah alak lole manolten Covid 19 dokhamsii zemsuak ding timi thuthangṭha cu WHO in September thla ah a phuang ih cumi ram 92 sungah Myanmar ram khal a telve tiah kan ram Harhdamnak le Lehpannakzung ih ṭuanvonei Dr. Khin Khin Kyi in a sim.

Covid 19 dokhamsii cu WHO le Leitlun ram tamzet ih ṭanpinak thawn COVAX timi pawlkom in a tawlrel lai ih tumtah vekin an hlawhtling a si le an suah dingmi Covid 19 dokhamsii cun leitlun mipum zaṭek 64% hrang a deih ding tiah Business-standard media in a tarlang.

COVAX tawlrelmi Covid 19 dokhamsii a suak thei tikih Myanmar ram covo pawl cu Covid 19 thawn pehpar mi hrang ih pumpeawtu ramsung hnaṭuan pawl hrang ah hmaisabik, pahnihnak ah kum upa pawl le pathumnak ah cakvaklo nat dang nei pawl ti`n a dotdot ten co u an pek tum thu theih a si.

October 9 tiang, Myanmar ramsung ah Covid 19 mina 23960 hmuhsuah a si zo ih mithi 566 le damsal 6738 an um a si.

Leave a Reply

Your email address will not be published. Required fields are marked *

error: hahahahahaha !!