Colh la zo Ralkapbawi hlun le a nupi vuak thattu Pafahnih thih daan tat

2019, February 21 ah khawtlang mipi hmai ah ralbawi hlun le a nupi vuak thattu pafahnih cu Taungoo pengṭhen thuṭhenzung in November 24 ah thih daan le kum rei thawngtlaknak thawn daan a tat tiah theih a si.

Daantatnak thawn pehpar in Taungoo pengṭhen palikbawi hlun AungLin in “kum 3 kim zik hnu ah daantatnak an nei suak. Electric banṭhuam ih ကြွေသီး thawn nupate an vuat that ruangah Taungoo, Ketomati ih pafahnih cu Taungoo pengṭhen thuṭhenzung in November 24 ah thih daan tat in le kum rei thawngthlak dingin thu a ṭhen cat” tiah a rel ih “thuhla cipciar cu daantat thusuah ca copy a suak hnu lawng ah kan thei ciang ding” a ti.

Sun khuavanglai, Khawtlang mipi hmai ih vuak that tuar nupate cu Yangon ramṭhen, Sanchaung myone ih khuasa an si.

Mi an vuak thatnak ကြွေသီး (photo – Eleven)

Kum 49 mi U Soe Lin Than (ralbawi colh la zo), England hrambun Laawng captain, a nupi Daw ChawSuSuLin (kum 45) le an fanu kum 15 mi Ma TawTaHtetSan cu an umnak Yangon ihsin Taungoo lam ah an tlawng.

Tuhlan 2012 kum ih innhmun an lei mi thu thawn pehpar in 2019, February 21 ah Taungoo, MingyiSwe veng ih um inn hmun an leinak U YeWin te hnen ah ca poimawh an va dil ih, cumi ah tiawthiam loin ṭongkam an elaw.

Cutin inntek U YeWin le a pa U TuKyi cun U Soe Lin Than te nupa cu khawtlang mipi hmai rori ah Electric banṭhuam ih ကြွေသီး thawn zoh sia zetin an vuak that. An fanu kum 15 mi khal cu hriam nazet a tuar tiah theih a si.

Hih thuthang hin Kawlram pumpihlum a hnin ter ih
tualthatnak a suak hnu kum 3 kimzik ah daan tatnak an nei suak thei saal cu mipi an diriamzet a si.

Leave a Reply

Your email address will not be published. Required fields are marked *