CNDF le PDF ralkap dungsiiplai cu Caan ṭha ah laakin Ralhraang pawl in Khawpumhlum deuh thaw Urkaang

Sagaing ramṭhen, Kalay peng, Natchaung khua kiangkap ah CNDF, Kalay PDF le hriamkaidang ṭangrualin SAC ralhraang an do ih, ralhraang pawl in raldonak helicopter an hmang ruangah hriamkai pawl cun dung an siip sak sung.

Culaifang cu caan ṭha ah laakin ralhraang SAC ralkap pawl cun Natchaung khwapumhlum dueh thaw an urkaang tiah theih a si.

“Helicopter thawn an cangvai hnu, zaanlam nazi 5 luan lamin kan khua an urkaang. Hmunhla in kan cuan ih meihlio cu a nasa zet. Inn ziat a kaang ti cu kan thei lo nan hmun nai deuh ih vazohtu pawl cun khawpumhlum deuh thaw a kaang tiah an rel” ti`n khawmi pakhat cun a rel.

Natchaung kiangkap hi raldonak helicopter hmangin voi 5 hnakih mallo an kap zo tiah theih a si ih, hliam tuar an um hlei ah kiangkap sehvel ihsin ralkian mipum 2000 lenglo an um zo tiah kan thei.

Siarbet : Ralhraang pawl in Raldonak Helicopter hmangin Chin ramri an kap

Ralhraang pawl in Raldonak Helicopter hmangin Chin ramri an kap

Leave a Reply

Your email address will not be published. Required fields are marked *