Chinmi umnak khuate ih Inn 6 le Community hall a kangral

December 28 ah Rakhine ramkulh, Ann Township, Shan Kone khua ah kangmei a suak ih All Chin Society Community Hall le inn 6 a kangral tiah RFA in a tarlang.

Nawhkang hrimmi a si nan thudik reltu hrang ṭihnung dinhmun a thlen thei ruangah khuami pawl in an relsuak ngam lo tiah CHAT pawlkom (ချင်းလူသားချင်း စာနာထောက်ကူညီပေးရေးအဖွဲ့) ih ṭuanvonei Salai Win Maung in RFA hnen ah a sim.

Kangmei cu, December 28 zaan nazi 12 hrawng ih suak thok vekin tarlang a si ih inn neitu pawl cu ဦးပိုင်၊ ဦးငမောင်၊ ဦးအောင်ရွှေ၊ ကိုမောင်လတ်၊ ဦးဘတင်၊ ကိုကျော်သူလင်း le All Chin Society Community Hall pawl an si tiah a mah cun a sim hrih.

Khuami pawl cun nawhkang hrimmi sivekin an relsuak nan Ann Township ih meithat ṭuanvonei ဦးအောင်သန်းဌေး cun “Inn kang mi cu luahtu umlomi, minung umlonak inn a si nan a kiangkap ih khawsa midang an um ruangah nawhkang hrimmi cu a si lo ding.”

“Tleirawl pawl ih kuak fawp tantami lole meisa thawn pehparmi thil pakhatkhat tuah hnu ih tantami/dawngdahnak ruangih suakmi kangmei khal a si thei” a ti.

Shan Kone khua cu Chinmi umnak khuate a si ih innkhi 123 a um. Hih khua cu ralhrang AA le Tatmadaw ralkap buainak naivai ih ummi khua a si ruangah khuasung um mitamzet cu raltlan dinhmun in Ann, Magway (မကွေး), Bago (ပဲခူးမြို့), Yangon (ရန်ကုန်) pawl ah beunak hawl in an vakvai a si.

Leave a Reply

Your email address will not be published. Required fields are marked *

error: hahahahahaha !!