Chinmi telin Malaysia ih um Kawlrammi mipum 1000 luan cu Kawlram ah kuat kir sal an si
Chinmi telin Malaysia cozah in raltlan dinhmun i a pom lomi le daan lo in an ram ih luttu kawlrammi mipum 1000 luan cu February 23 ah Malaysia ram ihsin Kawlram ah an kuat kir.
Kawlrammi minung 1000 luan cu Malaysia cozah in an ramsung ah Daanlo ih luttu dinhmun in kan dungkum lam in a kilkhawi zo ih UNHCR lam in an dinhmun zingzoi a tum nan Malaysia cozah in a siang lo.
The #Malaysian immigration dept. deported over 1000 people back to #Myanmar, now under control of a military junta, in defiance of a High Court order & without assessment and status determination by UNHCR, showing shocking disregard for human rights. https://t.co/DcQPYcxcNE
— Linda Lakhdhir (@LLakhdhir) February 23, 2021
Malaysia cozah in kawlrammi mipum 1000 luan a kilkhawi thu ah UN in nasaten a dem ih atufang Myanmar dinhmun thei ciangtu International level humanright hnaṭuan pawl khalin kuat kir lo dingin nasa zetin cozahpi an nor ih thuṭhenzung tiang an thlen.
Thuṭhenzung lam in February 24 ah an thu lairelsak dingin thu a suah nan Malaysia cozah cun an thu suah cu ziangah siar loin Kawlrammi 1000 luan cu a ra hmuak haitu Myanmar ralkap tipar Lawng thawn February 23 ah a kuat kir hai.
#Malaysia's immigration department said on Tuesday (Feb 23) it had carried out a repatriation programme involving 1,086 Myanmar nationals, despite an earlier court order staying the deportation.https://t.co/B1qucIXF5g
— The Daily Star (@dailystarnews) February 23, 2021
“Tlangparmi mimal hnamte telin Kawlrammi mipum 1000 luan cu ralkap dilnak vekin an kuat fel zo. An ram ah an kir sal ti cu a si ko nan ralkap kut sungah ziang an va cang ding ti sim a theih lo. Atufang hi kawl ralkap in rampi ukhruainak a kai fawn tikah an ra phur mi minung 1000 luan hrangah an nunnak hrang tiang kan phan sak a si.”
“UN lam khalin siseh, Human rights pawlkom a simi Amnesty International le Asylum Access in theitawk suahin kuat kir lo dingin Malaysia cozah hnen ah kan dil. Court tiang kan thlen ih February 24 hi an thu relsakding ni a si. Culai ah thuṭhenzung thusuah cu ziangah siar lo in Malaysia cozah cun Myanmar rammi mipum 1000 luan cu an ram ah a kuat kir sal” tiah Amnesty International, Malaysia ih director, Katrina Maliamauv in NPR hnen ah a sim.
Malaysia cozah cun an kuat kirmi Kawlrammi lakah Rohingyas Muslim le UNHCR ih humhimmi asylum seekers an tel lo tiah thuthang an suah nan humanrights hnaṭuan pawl cun naute suakpek le amalbik asylum seekers 6 an tel tiah thuthang an suah ve a si.
Malaysia cozah kutsung ihsin Myanmar ralkap kut ih apmi Kawlrammi mipum 1000 luan hi an thuhla cipciar ih theitu an um lo. Malaysia le Kawl ralkap lawngin an dinhmun an theiciang ih Kawlram an thlen tikah ziangtin an tuah ding tikhal theih a si lo.
