Chindwin Tipikap ihsin Ralhraang le PyuSawHtee pawl ciilnuai tuar

Sagaing ramṭhen, Minkin peng, Chindwin tipi ih SAC ralhraang le PyuSawHtee pawl ih to mi Lawng 3 cu August 26 zaanlam nazi 3 hrawngah PDF pawl in an kap ih hriam tuar besia mi 6 le mithi 2 an um tiah theih a si.

Minkin PDF ṭuanvonei mipakhat cun “Chindwin tikap ih khua pawl ah paisa khawng an tum thu thuthang kan dong ih timlamnak kan rak nei cia. Sniper thawn kan kap ih mi 2 cu an thi ciang. Hriam tuar khal an um ih an Lawng pakhat a pil” a ti.

Ralhraang lam khalin an kap ve ih nazi hrek hrawng an do aw. PDF lam an ṭan nak hmun a rem tikah kahdonak ruangih thi le hriam tuar an um lo. Ralhraang lam an tuar na tiah a mah cun a sim bet hrih.

Minkin peng ih khua ṭhenkhat ah SAC ralhraang le PyuSawHtee pawl in mi kai ding an hawl ṭheu ruangah le mawh nei lo an kai mi tvk an hrem ṭheu ruangah hmun dang ih beunak hawltu khuami an tam tiah theih a si.

 

Leave a Reply

Your email address will not be published. Required fields are marked *