China vanzam tlak puak ah Shan Fala 4 telve
March 21 ih tlakpuakmi China Eastern vanzam ah Shan fala 4 an telve thu, Shan News in a tarlang.
Fala 4 cu Taluk ram, Shweli peng, Wanṭing (Shan cozah Uk mi) khawmi an si ih hnaṭuan tum in peng dang an feh lai ah vanduainak an tong hi a si.
“An nih hi hnaṭuan tum in peng dang tlawng dingah quarantine zarh 2 an lut zo. Shweli ahcu lockdown an tuah lai ih nitin deuh thawn nat nei le neilo mi an ceek. Curuangah hnum remcangnak peng dang ah hna an ṭuan” tiah Shweli khua ih um Shan mino pakhat cun Shan News hnen ah a sim.
Final seconds of #MU5735 pic.twitter.com/gCoMX1iMDL
— ChinaAviationReview (@ChinaAvReview) March 21, 2022
China vanzam boeing (737) cu Kunming khua ihsin Guangzhou lam a pan lai ah rinlopin a tlak.
Guangxi Province, Wuzhou khua kiang Tlangpar ah a tlak ih, puaikuai in a ciam ziamral.
Vanzam totu mipum 132 an um ih an zaten an thi thluh tiah a hmun ih fehtu mibawm hnaṭuan pawl in thu an phuang a si.
