Ei le In, SiiVai tiang khawl cia ṭhepṭhi dingin thu an than

Thalpau dothleng cangviahnak a cak vivo ih mipi lam khal ralring zetih umtlan a ṭul thlang thu le hmailam hrangah timlamnak nei cia dingin NUG cozah Union Minister Zaw Wai Soe in amah bulpak FB cahmai ah a tarlang.

Dothlennak ih hmai hruaitu cu CRPH, NUG, NUCC le EAO pawl siloin mino Gen-Z le cozah hnaṭuan CDM teltu pawl ih hruaimi sawn a si tikhalin a taar a si.

Ramdang Myanmar boruak thlirtu miṭhenkhat cun kan ram dinhmun hi ṭhat lam pan ding hnakin civil war tho ding zum a um sawn tiah an sim.

US le ram ṭhenkhat khalin Myanmar ram ih um an rammi pawl cu ralringten um dingin le a cang thei cun ram suahsan dingin thuthannak an nei rero zo.

Doawknak khal a tam vivo ih rampumhuap pengṭhen tinkim deuh thaw ah bomb puak mi khal theih/hmuh ding a um thlang.

Cuvek dinhmun kan si ruangah Union Minister Zaw Wai Soe cun mipi lam khal siseh mipi humtu People’s Defence Forces khal hmailam hrang eibar ding tiang khawl cia in le siivai tiang retaw cia ṭhepṭhi a ṭul thlang tiah a ti.

Leave a Reply

Your email address will not be published. Required fields are marked *