CDM tuahtu Ralkaptlan zaṭek 75 cu PDF ah lut thluh ding

SAC ralhraang ukhruainak hnuai ih hnaṭuan huam nawnlotu, CDM ih telzo ralkaptlan 800 hrawng an um tiah theih a si ih, cumi ah zaṭek 75% cu NUG cozah ih dinmi PDF ralkapbu ah lut ter thluh an si ding tiah CDM tuahtu ralbawihlun Lin Htet Aung in Myanmar Now hnen ah a sim ih “a tang dang khal hriamhrei ralthuam kaitu an si lo nan Dothleng cangvaihnak ah phun dang zawngin an tel thotho” a ti.

Kum 29 mi ralbawi Lin Htet Aung cu Shan ram ခြေမြန်တပ်ရင်း 528 ah တပ်ခွဲမှူး a siih March thlacem lam ah CDM a rak tuah thok zo. Tatmadaw a suahsan hnu ah CDM tuah duhtu ralkap pawl lamziin khihhmuhtu ah a ṭuan.

“Tatmadaw suahsan duh ruangih bomnak in diltu cu nikhat ah mipum 50-60 hrawng an um. Cumi lakah rank sang ဗိုလ်မှူး tiang an tel.”

“Ṭhenkhat cu hmun him ih ralkapbu kop in mino pawl raldo an zirh ih a dangdang ṭuan khal an um. Midang an si le media lam khalin siseh ṭangrual in hna an ṭuan tlang. CDM tuahtu ralkap 800 hrawngah zaṭek 75 cu PDF ah thunlutding an si” tiah ralbawi Lin Htet Aung cun a ti.

CDM tuahtu ralkaptlan tamsawn cu kum 20-35 karlak mino an si ih CDM an tuah nak san cu a bangaw deuh thaw thluh.

Ralbawi pakhat cun “daiziar ih duhphorknak neitu mipi an ṭhenṭhek dan, thu mumal umloin mipi kaihkhih an tuar mi le mi thil tiang fir in duhduh ih umtu an tam tikah Tatmadaw thawn pehpar awmi siding ka duh nawn lo.”

“Mipi pekmi thla hlawh thawn cawmawmi kan si cingin kan humhim dingmi mipi riangri hivekih kan soisa
lala cu thil awmang a si lo. Curuangah CDM ah ka lut hi a si.”

“Kan ram duhdawttu mino pakhat dinhmun in Dothlengnak hrang hmai ka nor vivo ding. Kirletsal simlo dunglam khal ka hoi tum lo. Kan neh hlan lo hmai kan nor ding” tiah ralbawi cun a ti.

Leave a Reply

Your email address will not be published. Required fields are marked *