CDM tuah duh lo pawl Bawmthup ṭheutu an pholang

Thazaang malsawntu dinhmun in ukhruaitu donak ih hmualnei hmanfung ṭhabik pakhat cu CDM cangvaihnak hi a si.

Kanrampi a buai thok hnu, cozah hnaṭuan tamzet cu ralkap ukhruainak dodal in CDM an tuah.

Cumicu CDM tuahnak thawn nehnak rak co dahtu pawl ih thapekzetmi khal a siih pawlkom cangvaihnak zawngin siseh bulpak zawng khalin rampihuap CDM tuahtu mitamzet cu bawmawton danding ngaihtuah rero a si.

Cuvekin, ralhraang ukhruainak buanthluk tumin ṭanrual theidanding hmalaknak neitu an um rero lai ah Siivai tuahtu company ṭhenkhat cun CDM tuahlotu Harhdamzung pawl cu athupten bawmnak an rak pe ṭheu tiah theih a si.

Cumicu, Siivai thawn pehparmi Tlawngta pawlkom (ဆေးနှင့် ဆေးနှီးနွယ် ကျောင်းသားသမဂ္ဂများ) in a pholang ih a thupten cangvainak neitu Siivai company pawl khal ralrinnak an pe cih.

Ralrinpeknak Ca …. …

ဆေးနှင့် ဆေးနှီးနွယ် ကျောင်းသားသမဂ္ဂများ ih ralrinpeknak CA

Hih thuthawn pehpar in sunglamthu theitu mipakhat cun “ṭhenkhat cu company luban lam in an fial hran lo. Nan, company thilri zuarding khiah sakmi a feh theilo cun company sungah hringhro ṭhitawknak tivek a um phah deuh. Curuangah CDM tuahlotu private siizung le ralkap siizung tivek ah a thupten an supply ṭheu.”

“Ṭhenkhat an si le athupten palai an thlah. Athupten ralkap Siizung hrang ah an dawraw. Cuvek cangvaihnak cu mipi le CDM tuahtu ziangsiarlo hna a si. Company/bulpak hlawknak lawng ruatin an cangvai a si” a ti.

ဆေးနှင့် ဆေးနှီးနွယ် ကျောင်းသားသမဂ္ဂများ khalin cuvek cangvainak cu nasaten a soisel hlei ah “ralrinpekmi ziangsiar loin nan um cun company hmin siseh, company suahmi siivai hmin khal siseh “Boycott list (ngol san dingmi hmin cazin)” ah retin khuatlang mipi hmai ah kan pholang ding” tiah ralrinpeknak ca ah an tarlang cih.

Leave a Reply

Your email address will not be published. Required fields are marked *