CDM i an tel duhlo hlei ah Mipi ṭih in ralkap humhim an dil

February 1 ih rampi cozah thuneihnak latu Kawl ralkap buan thluk dingin CDM ah telcio ih ṭan kan la rero lai ah Bago ramṭhen, Pyay myo ih Computer University ahcun CDM ih tel duhlo pawl in mipi ṭih ah ralkap humhimnak an dil ti a si.

February 13 zingih thil thleng a si ih zukih kan hmuh bangin ralkap 10 kimzik hrawng cun Tlawng kot in an kil ṭhepṭhep.

Hnaṭuan ihsin dawi tuar thei dinhmun tiang pumpe aw cozah hnaṭuan an um lai ah hivekih cangvaihnak neitu an rak um cu, mipi le tlawngta-saya/sayama pawl an lungawi lo ih tlawnghmai ah an va dinhnawh.

Cuhnuah ralkap le mipi lam biakremawknak an nei hnu in ralkap pawl cu an duty nak mawṭaw par ah kai in hmun dangah an ṭhawn sal tiah The Voice in a tarlang.

Hih thuthawn pehpar in hmuhdan a phunphun a suak ih “Bogyote Aung San suahni a si ih hih ni ah zungkai an um lo. Ralkap thluak menmen a si” tiih autu khal an um a si.

Leave a Reply

Your email address will not be published. Required fields are marked *

error: hahahahahaha !!