CDF tiih puh mi Chin mino 2 an kai

Kalay peng, Kyikone khua ralhraang ceek gate ah Chin mino 2 cu CDF raldo zir ṭheh pekte nan si ti`n ralhraang ralkap pawl in May 30 ah an kai tiah theih a si.

Kaih tuar Chin mino 2 cu Salai Lal Cung Mawi le Salai Rual San Cung an si ih Falam peng, Hrianghnang khawmi siin an tarlang.

Kaihkhih an tuar thu ah ralhraang thuthang pholang ṭheutu media pakhat cun “an um dan rinhleh a um deuh ih ceek ciang nak an nei tikah CDF ralkap an si mi hmuhsuah an si” ti`n an tarlang nan, ziangtin CDF an si ti an theithei` timi cu felfaiin an ngan tel lo.

Siarbet : Thlanglam Kalaymyo doawknak ah ralhraang ralkap 7 an thi

May 31 ah Thlanglam Kalay, Natchaung khua ah ralhraang ralkap le mipi ralkap ṭangrual pawl an do aw.

Tuni June 1 khalah nasaten an doaw bet ih ni 2 doawknak ah ralhraang 7 hrawng an thi ti`n CNDF in June 1 ah thu an suah.

Doawknak ah PDF Kalay ralkap pakhat in ram le miphun hrang nunnak a hlan ih, CNDF ralkap pakhat le PDF Kalay ralkap pakhat in hriam an pu.

Ralhraang ralkap in mizaan lam ihsin Natchaung khua an urkaang ih, tuni khalah raldo vanzam thawn vehvai phah in khuasung inn pawl an urkaang lala tiah thuthang kan thei.

Leave a Reply

Your email address will not be published. Required fields are marked *