Bomb puahtu tiih puh tuar PDF Mino 2 cu Rapthlak zetin Soisa Tuar

June 10 ah Sagaing ramṭhen, AyaDaw peng, Sapartwin khua ih bomb puahtu tiih puh mi mino ṭhenkhat cu Seik Phu Gyi khua pawl in an rak kai tiah theih a siih khuami pawl in an kaihmi mino pahnih an soisa lai video cu online ah a darh.

Khuami pakhat cun “Sapartwin khua ih palik thawn an kapaw ih kan khua lam ah an ra tlan. Khuami ṭhenkhat in an kai ih nasaten kut an thlak. Palik an thleng in an kut ah an ap” tiah ADM hnen ah a sim.

Mino soisa tuarmi thuthawn pehpar in thuhla cipciar zetih tarlangmi hmuh ding a um lo ih Sagaing ramṭhen PDF lam khalin atuih ca kan ngan tiangah thuthannak zianghman an nei hrih lo.

Internet cahmai pawl ih nganmivek a si le soisatuar mino pahnih hi PDF an si tiah hmuh ding a um. Asinan, PDF lam in thusuahnak zianghman a um hrih lo tikah nemhnget theih a si hrih lo.

Video sung ahcun mino pahnih cu ciilnuai tuar thisen thawn an lang ih kut dung let in an ṭawn. Kut an thlak hnu ah meithal keng palik ṭhenkhat le pangai sinfen hruk miṭhenkhat in an hruai….

Kawlram a buai hnu ah rampumhuap mipi umnak hmun tamzet ah puakkuainak a suak tam zetih hmun tamsawn ahcun a puahtu thei felfai loin a cemliam men.

Mipi umnak khuasung bomb puah thuthawn pehpar in mipi humtu ralkapbu lak khalah siseh mipi lak khalah ruahdan phun 2 a suak.

Aṭhencun SAC ralhraang ṭantu le Dalan pawl ṭhih nak a si ih mipi khawngban dingih tuah hrimmi a si lo titu an um ih Cangsualin khawngngahtu an um thei hlei ah nauhak hrang le Lungphu ṭhalo hrangah ṭih a nung titu an um ve thung.

Hminsin ** Video hmuh nuamlo a tel tikah tlunlam tarlangmi na zoh theilo men thei. Zoh harsa ti thei cingin na zoh duh thotho le hinah hmet … Mino 2 soisa tuar

Leave a Reply

Your email address will not be published. Required fields are marked *