Atufang Mandalay dinhmun + Mandalay PDF hruaitu Annka

Mandalay PDF zung hmun 2 cu June 22 zianglam nazi 8 hrawngah SAC ralhraang in an siim ih PDF lam in rak kap hmasa in kaphnih doawknak an thok.

“Zualkotu an um ruangah an ra mi a si. Asinan, an rat ding thu kan thei cia tikah kan cangvai hmasa. Kiangkap um mipi pawl khal hmun him ah an cer zo”.

“Tutiang ahcun ralhraang pawl an tuar na. Kan lam ah mithi khal an um loih kaihkhih tuar khal an um lo. Cun, miṭhenkhat cu hmun him ah kan ṭhawn ter zo” tiah Mandalay PDF ṭuanvonei ဗိုလ်ထွန်းတောက်နိုင် in Myanmar Now hnen ah a sim.

Cumicu zinglam an kapaw pek hrawng ih boruak a si ih tlailam cun ralhraang thazang thar an thleng bet ih boruak um dan a thlengaw sal.

Ralhraang in ralkap dang an cah bet hlei ah ralram ih hman cii raldonak mawṭaw tvk thawn khuasung ah an vak vivo.

“Atucu khuasung ah an vak ih meithal an hmet puak vivo. PDF thawn kapawmi siloin an duhduh an kap vivo. Innleng khalah kan suak ngam lo.”

“Thazaang an neih sun hmuahhmuah an phorh thluh a bang. Khuasung hmun hranhran ah bomb puak thawmvang a thang ih boruak umdan a hnok zet. Ralhraang pawl cun mipi le pilo umloin an hmumi pohpoh an kap thluh. Cun hmun ṭhenkhat ah pangai thuamhnaw hrukin mi an bawh” tiah Mandalay ih um mipakhat in a rel.

Tuzing doawknak ah kaphnih lam in mithi um zat, kaihkhih tuar le hriam tuar um zat khal thuhla felfai a suak hrih lo.

Leave a Reply

Your email address will not be published. Required fields are marked *